Føre var: Henta 100 elevar heim frå seminar i Bergen
– Nokre av dei har vore på fest med ein som er testa for koronaviruset, fortel rektor.
Bjørnafjorden kommune fortel at alle planlagte klasseturar for barne- og ungdomsskuleelevar i kommunen blir avlyste for å hindra spreiing av koronaviruset.
Dette er i tråd med råd frå sentrale styresmakter.
– Vi forstår godt at dette er skuffande for elevar og lærarar som gler seg til å reise på tur. Samstundes håper og trur vi alle forstår at det er nødvendig å gjennomføra tiltak for å hindra smitte, skriv kommunen.
Onsdag formiddag blei rundt 100 elevar frå Os vgs sendt heim frå seminar på Høgskulen Vestland i Bergen.
– Heile første trinn skulle delta på seminaret, men nokre av elevane har i helga vore på fest i Hegglandsdalen, der også ein som er testa for koronaviruset har deltatt. Vi blei gjort merksame på dette i dag, og for å vera på den sikre sida sendte vi alle heim, seier rektor Johan Henrik Lassen til Midtsiden.
Det er BA.no som omtalte saka først.
– Også Os Gymnas og Fusa vgs har deltakarar på seminaret, men dei hadde fått luka ut sine som var i faresona før avreise.
– Vi har ikkje mistanke om at nokre av våre elevar er smitta av koronaviruset, men ville vera på den sikre sida. Vi ventar at elevane kjem på skulen i morgon, med mindre dei har influensaliknande symptom.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.