Førebels opne sluser

Det er mykje overvatn på vegane i Os, men førebels har ikkje dei store nedbørsmengdene skapt vanskar.

Kjetil Vasby Bruarøyfredag 20. nov. 2009 08:45

Torsdag regna det mykje i Os, men verken torsdag eller natt til fredag kom det meldingar om trøbbel grunna vassmengde.

- Vi har ikkje fått nokre meldingar. Eg var ein kjøretur i dag tidleg, og registrerte ein del overvatn enkelte stadar, men førebels har det ikkje hopa seg opp nokre stadar, seier brannsjef Stein Gjøsund.

Han fortel at kommunalteknisk saman med Mesta sjekka kjente stadar der rister tettar seg til, for å førebu Os på nedbøren som var meldt.