Sport | 29. juli 2009

Førebudd på Fornebu

Os 2 tapte kampen om A-sluttspel for Kurdistan. Det vil Os 1 revansjera.

Førebudd på Fornebu
Kjetil Vasby Bruarøy
Kjetil Vasby Bruarøyonsdag 29. juli 2009 22:46

Bildeserie:

1 av 2

Os 2 hadde kome til A-sluttspel i Norway Cup om ikkje Kurdistan hadde hatt marginane på si side i frisparket 30 sekund før slutt. Torsdag er det Os 1 sin tur å kjempa mot kurdarane.

- Vi er godt førebudd. Kvar morgon har vi trening klokka 8.45, for å koma i gong med dagen, og onsdag har vi hatt heilt fri etter trening. Vi er utkvilte og klare for kamp, seier Kjartan Svendsen.

Pøblar banka keeper
I siste kamp i puljespelet var stillinga lenge 0-0 mot Furuset. Sidan det berre var tre lag med i pulja, og Os vann første kamp 6-0, låg dei greit an likevel. Furuset klarte berre 2-1 over Abildsø.

- I første omgang blei begge lag forstyrra av nokre lokale pøblar. Først ropte dei på trenarane til Furuset, og til slutt gjekk dei til angrep på keeperen deira.

Kampen gjekk på Furuset, og ikkje alle blant heimepublikummet var like nøgd med spelarane på laget.

- Dei hoppa på keeperen, sparka, slo og kasta ein sykkel på han. Men folk kom til og fekk dei vekk, så kampen kunne halda fram. Keeperen heldt også fram, fortel Kjartan.

Os var svake i første omgang, men etter peptalk av trenar Øyvind Steffensen i pausen, kom dei seg. I andre omgang fekk dei også ei skåring, Preben Borgen sørgja for siger også i siste puljekamp.

Fint liv på Fornebu
Juniorane til Os bur på hotell på Fornebu.

- Her har vi det fint! Vi bur på to- , tre- og firemannsrom, spelar kort og surfar på nett.

- Men det er litt kamp om dei beste sengene, dei ombygde sofaene er ikkje så gode å sova på.

Etter morgontreninga onsdag har gutane vore og sett Os 2 vinna 3-0 over Abildsø i 8-delsfinalen i B-sluttspelet. Og så har dei vore å handla.

- Vi skal slå Kurdistan i morgon, og er førebudde på å knusa Fana i 8-delsfinalen, om dei kjem så langt, seier Svendsen skråsikkert.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.