Første adventsluke: Nornekoret
Nornekoret har med seg 71 år gamalt korps og ei ung kvinne som solist i kyrkja søndag.
Det nærmar seg første desember, som i år òg er første søndag i advent.
Tradisjon tru er det konsert med Nornekoret denne dagen.
Nornekoret plar ha med seg andre musikantar og vokalistar, utanom eige band, som også i år er leia av Knut Vidar Garlid.
– Blant årets gjestar er Grethe Cirashrii Just-Olsen, fortel kormedlem Mona Frøystadvåg.
Grethe song blant anna under frigjerings- og veterandagen 8. mai i fjor.
Nornekoret har òg med seg Søre Neset Musikklag.
– Dei får si eiga avdeling under konserten.
Musikklaget markerte 70-årsdagen sin med konsert på Oseanaterrassen i 2023.
Frøystadvåg og resten av koret, inkludert dirigent Laila Storvik, håper at dei kan gi publikum litt pusterom i den elles travle førjulstida.
– Vi håper publikum seinkar skuldrene og lar den gode julekjensla koma sigande utan at dei treng å gjera noko som helst – bortsett frå å synga med, om dei vil.
