Første siger i 4. divisjon

Lysekloster starta serien med 3-2-tap borte for Lyngbø i debuten i 4. divisjon. Laurdag var det heimekamp og press på både Lysekloster og Loddefjord, som også blir sett på som ein favoritt til opprykk og som også tapte i første runde.

– Det var ein OK kamp, ikkje meir enn det, seier Ørjan Sandal etter den overbevisande sigeren.

Lysekloster - Loddefjord 5-2 (3-2)
Målskårarar, Lysekloster: Thomas Sandal 3 og Christoffer Robin Larsen 2

– Eg er nøgd med at vi løftar oss frå førre kamp og at vi får vist litt av det vi kan. No har vi Valestrand Hjellvik borte i neste runde, som starten på ein periode med 3 kampar på 8 dagar, så då gjeld det å løfta seg yttarlegare, seier Sandal.

Også Valestrand Hjellvik, som rykte ned etter éin sesong i 3. divisjon, har tapt ein av dei to første kampane. Einaste lag i avdelinga med full pott på to kampar er Telavåg.

Lysekloster: Ole Kristian Olsen, Baste Jonassen, Frode Bergum Hansen, Thomas Greipsland, Steffen Vindal, Frode Buvik, Thomas Sandal, Christoffer Robin Larsen, Johannes Jordal, Øyvind Olsen og Joakim Hovden
Innbytarar med speletid: Kim Krogsethagen, Espen Kopperud og Mattias Høiland

Lysekloster 2, som speler i 6. divisjon, har starta sesongen med 5-1-siger borte og 4-0-siger heime.