Kultur | 20. nov. 2017

Første slepp til Tysnesfest 2018

Desse tre banda kjem til Våge neste sommar - eitt av dei skal spela på Tysnessåta.

Første slepp til Tysnesfest 2018
Adam Douglas, vinnar av Stjernekamp 2017, kjem til Tysnesfest 2018. (Foto: Jens A. Storaker)
Kjetil Vasby Bruarøy
Kjetil Vasby Bruarøymandag 20. nov. 2017 22:19

Bildeserie:

Bigbang speler på Tysnessåto. (Foto: Jonathan Vivaas Kiese)
Bigbang speler på Tysnessåto. (Foto: Jonathan Vivaas Kiese)
Gåte er blant dei tre første banda som er klare for Tysnesfest 2018. (Foto: Ole Ekker)
Gåte er blant dei tre første banda som er klare for Tysnesfest 2018. (Foto: Ole Ekker)
1 av 2
Bigbang speler på Tysnessåto. (Foto: Jonathan Vivaas Kiese)
Gåte er blant dei tre første banda som er klare for Tysnesfest 2018. (Foto: Ole Ekker)

Tysnesfest blei vellykka i år òg. Trass vekslande vêr og ein Alan Walker som måtte avlysast i innspurten går festivalen, ifølgje Bladet Tysnes, med millionoverskot i år.

No er arrangørane klare med dei første namna til festivalen i 2018, Tysnesfest går av stabelen 11. til 15. juli neste år.

– Etter ein lang haust er vi endeleg i gang med å sleppa artistar! Allereie i første runde kjem vi med eit knippe fantastiske kvalitetsmusikarar som vil gje publikum både gåsehud, rockefot og godkjensle, seier dagleg leiar Øystein Vaage.

Bigbang speler på Tysnessåto (753 moh), Gåte gjenoppstår og Stjernekamp-vinnar Adam Douglas kjem til Tysnesfest 2018.

– Det er ekstra stas at Bigbang speler på Såto, her ser vi ikkje vekk frå at Sivert Høyem sin rekord frå i sommar (2400 lyttande turgåarar) blir slått. Tittelen på ein av dei mest kjende låtane deira, «To the Mountains», passar jo perfekt! seier Øystein.

Dette skriv festivalen sjølv om kvart av dei tre banda:

Bigbang

Øystein Greni og hans Bigbang er utan tvil eit av dei største livebanda me har i Norge. Det blir ikkje mange moglegheiter til å sjå Bigbang på scenen i 2018, men her på Tysnes byr me faktisk på to konsertar. Bandet blir årets artist på Tysnessåto, og seinare på dagen kan du sjå dei på scenen på Gjerstad.

På Tysnessåto har me hatt artistar som Oslo Ess, Lars Vaular, Sondre Justad og det heile vart toppa med meir enn 2400 publikummarar under Sivert Høyem sin konsert i 2017.

Bigbang starta opp i 1992 med debutalbumet «Waxed». Dei er kanskje mest kjend for låta «Girl in Oslo», men «Wild Bird», «Long Distance Man» og «To the Mountains» er òg eksempel på klassikarar som det norske folk har trykka til sitt bryst.

For mange er Bigbang sjølve symbolet på norsk rock, og dei leverer alltid 100 %!

Gåte

Det er no 12 år sidan Gåte «gav seg», men no er dei tilbake i full vigør. Gåte blei starta av søskenparet Sveinung og Gunnhild Sundli i 1999. Dei gjorde seg
raskt bemerka ved å kombinera norsk folkemusikk med eksplosiv og progressiv rock. Spesielt i åra 2001 - 2006, då dei gjennom spektakulære konsertar, to studioalbum, to EP-ar og eitt livealbum, gjorde stor suksess.

Dei selte meir enn 100.000 album, gjekk til førsteplass på VG-listen, og blei tildelt fleire prisar, deriblantSpellemann- og Prøysenprisen.

Søskenparet har ei solid forankring i folkemusikken. Det er derfor naturlig for dei å fortsetja å bygga musikken rundt gammalt tradisjonsmateriale. Samtidig har det
meldt seg eit behov for å skape noko heilt nytt. Det nyskrivne materialet er sterkt inspirert av gammelt tradisjonsmateriale, slik at nytt og gammalt kan gå hand i hand
og skli naturleg inn i et felles «Gåte-univers».

Adam Douglas

Var du ein av dei over 1 millionar sjåarane som fekk med deg at Adam Douglas vann finalen i Stjernekamp 2017? Då skjønar du kanskje godt kvifor me har booka han til Tysnesfest. Eit sjeldan særpreg kjenneteiknar Adam sin musikk og fantastiske stemmeprakt, kor ein fort for assosiasjonar til dei ekte soul- og bluesrøtene i hans heimland USA.

Med sin singer/songwriter-bakgrunn frå USA, har han spelt og samarbeidd med mange internasjonale storheiter, som Jon Bon Jovi, Larry Carlton, Robben Ford og Michael Landau.

Også fleire norske artister i toppsjiktet, som Marit Larsen, Frode Alnæs og Vidar Busk, har hatt den store gleda av å samarbeida med stjerneskotet.

Adam går på scenen med fullt band og lovar eit knallshow fullt av trøkk og energi.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.