Lokal | 09. sep. 2009

Første støypedag

Stoltz Entreprenør, som overtok Oseana-tomta i august, lagde onsdag si første betongblanding.

Første støypedag
Kjetil Vasby Bruarøy
Kjetil Vasby Bruarøyonsdag 09. sep. 2009 08:55

Bildeserie:

1 av 6

Vasbbakk & Stol var i rute med grunnarbeidet, og held fram for Os Sjøfront på nabotomta medan Stoltz Entreprenør startar bygginga av Oseana.

Og i dag er det byggestart.

- Vi har hatt litt diskusjonar om sikring av sjøvatn i djupaste del av tomta, og om høgd på garasjeanlegget Oseana skal dela med Os Sjøfront. Men i dag var vi klare til å starta støypinga, seier formann Trond Johannessen i Stolz Entreprenør.

- Som ein flåte
Delar av Oseana ligg under havskorpenivå. Normalt renn det ein del sjøvatn inn til slike utgravde område, men det har ikkje vore tilfelle på Mobergsneset.

- Vi startar med å støypa tre synk-ar, til blant anna sjøvatninntak og anna teknisk anlegg. Dette blir gjort slik at bygningen tåler sjøvatn, men sidan tomta er så tørr har byggherren bestemt seg for å halda den tørr, fortel Johannessen.

Ei pumpe held tomta tørr. Etter at synk-ane er ferdige skal ei 600 kvadratmeter stor plate, 50 centimeter tjukk, støypast oppå.

- Ved slik støyping under havskorpa må vi vanlegvis få nok tyngde på før vi kan sleppa inn vatn, elles kan vi risikera at bygningen flyt som ein flåte ved høg flo. Vi bygger som om vatn kjem inn, men slepp lura på om Oseana skal flyta vekk, seier formannen med eit smil.

Støyper på staden
Det kjem til å blir få store element som blir frakta til tomta, Stoltz støyper på staden.

- Det kjem nokre limtre- og gitter-dragarar med bil, men ingen store veggar eller anna. Vi støyper her på neset.

Lengre molo
Arbeidet med moloen er nesten i hamn, med fin plastring på innside og utside. Men moloen har fått testa seg litt i bølgjene dei siste vekene, og ser ikkje ut til å vera lang nok.

- Bølgjene kjem inn mot brakkene her. Det har vore snakk om å forlenga denne med 40 til 50 meter, men dette er ikkje mitt bord.

Oseana forbigått?
Oseana er rangert øverst på prioriteringslista til Hordaland fylkeskommune, over kva kulturprosjekt som skal få støtte frå staten. At kulturminister Trond Giske nyleg har gjeve midlar til prosjekt på 4. og 5. plass på lista gjer ordførar Terje Søviknes uroleg.

- Fartein Valen-senteret på Sveio har fått 6 millionar kroner, dei ligg på 4. plass på lista. Båthallen til Hordamuseet, som ligg på 5. plass på lista, har fått 3 millionar kroner. Det er kjekt at andre får, men litt urovekkande at dei under oss på lista blir prioritert, seier Søviknes til Midtsiden.no.

Langfredag
Han har fått melding om at alle kulturmidlane frå staten skal delast ut innan førstkomande fredag.

- Fredag kan bli ein jubeldag. Om ikkje vi får midlar får vi sjå korleis fylkeskommunen, som overtar ansvaret for denne tildelinga 1. januar 2010, følgjer prioriteringslista.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.