Førsteplass til Karoline!
Reservebilen fuska litt, men Karoline Breivik kjørte frå både ein BMW og ein Porsche i finalen. Broren Kristian gjorde det også bra i Vikedal.
I helga kjørte søsknene Karoline Breivik (19) og Kristian Breivik Gjøen (15) løp i Vikedal.
Karoline, som bulka bilen sin i Trøndelag helga før, kjørte med reservebilen, ei 1,6 Peugeot.
– Bilen fuska litt om laurdagen, men gjekk fint i to siste av fem innleiande søndag, fortel Karoline.
Fekk førstespor i finalen
Laurdag kjørte Karoline inn til 3., 1. og 5. tid, søndag fekk ho to 2. tider, noko som gjorde at ho fekk førstesporet i finalen.
I finalen kjørte ho mot ein Porsche, ein BMW og ein Ford, minst to av dei med langt større motor enn 19-åringen frå Os.
– Det var veldig kjekt å vinna, seier Karoline, som komande helg kjører vestlandsmeisterskap på Eikås.
Vil du sjå bilcross og rallycross i helga?
Vestlandsmeisterskapen startar klokka 10 laurdag og 12.30 søndag.
Øvre halvdel
Broren Kristian, som fyller 16 år til hausten og som debuterte i fjor, gjorde det også ganske bra i Vikedal.
Han hadde ein heatsiger, to 2. plassar, ein 3. plass og to 5. plassar.
– Totalt landa han på 15. plass av 32 deltakarar, fortel Karoline.
NM-runde avblåst etter uhell
I NM-rundeni mai blei det bronse på Karoline. I NM-runden i Trøndelag 6. og 7. juni var det ikkje berre Karoline som var uheldig.
Ein annan bil kjørte utfor og fekk kraftig rulling.
– Det var voldsomt å sjå på, bilen rulla sikkert åtte gongar, seier bestefar og mekaniker for Karoline og Kristian, tidlegare rallycrosskjørar Håvard Gåssand.
Men det var ikkje denne ulykka som hindra NM i å halda fram. Ein mann med tilknyting til han som var uheldig, som sprang ut på banen for å hjelpa til, seigna om og blei frakta vekk med ambulanse.
Løpet blei stoppa. Les omtale av saka i adressa.no.
Det blei seinare stadfesta at mannen omkom.
Midtsiden samleside: Motorsport
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.