To førsteplassar

Os Swingklubb stilte med sju deltakarar i Grenland Cup i Porsgrunn i helga.

- Dei hadde ny deltakarrekord, med over 80 påmeldte par i dei ulike klassane, fortel Sindre Spilde.

Sindre skal til VM i bugg 10. oktober, saman med dansepartnar Iceabella Johansen. Dansestemnet i helga var siste konkurranse før verdsmeisterskapen, og paret ser ut til å vera i storform.

Sindre og Iceabella var eit av tre par som gjekk direkte til semifinale etter innleiande runde, og paret stakk av med 1. plass i både bugg og folkeswing.

Osingar på 2. og 3. plass
Det var fleire osingar som gjorde det skarpt i Porsgrunn. Anne Margrethe Børresen og Christian Dworac fekk 3. plass i bugg, og Anne Lill Lyssand og Øystein Hjelle kom på 2. plass i folkeswing klasse B.

- Anne Lill dansa også bugg, saman med Remi Lindborg. Dei kom på 4. plass i denne klassen, fortel Sindre.