Forsvaret får kritikk
- Vi hadde skyteøving på banen då brannen starta, sa major Gaute Gunnarskog til midtsiden.no i går.
Gunnarskog er øvste leiar for den ferske heimevernsgruppa som er på øving på Ulven.
Brannsjef i Os, Stein Gjøsund, er ifølgje NRK kritisk til Forsvaret sine rutiner.
- Det skal ikkje skje slik rutinesvikt når det gjeld bruk av sporlys og ammunisjon. Eg meiner at dei som driv med dette må ta ein risikoanalyse før dei set i gong. Vêrforholda bør undersøkast, det er ikkje sjeldan at brannar startar etter slike aktivitetar, seier Gjøsund.
Utan verneutstyr
I går blei fem personar sendt til lege med røykskadar, to av dei blei verande på sjukehus over natta for observasjon.
- Dette var to av soldatane som var på skytebanen, og dei første som starta med forsøk på å sløkka brannen, fortel Gjøsund.
Ein av soldatane som har hjelpt til med sløkkearbeidet fortel at sju nye er sendt til lege på Haakonsvern torsdag.
- Vi blei sendt rett frå oppstillingsplass og ut i feltet, med ein kort runde med opplæring. Eg synes det er rart at vi ikkje har noko form for verneutstyr, seier han til midtsiden.no.
- Det var nokon som spurde kva dei skulle gjera om dei fekk vanskar i røyken. "Stikk hovudet ut av røyken og pust litt før du held fram med å sløkka", var svaret.
Gjøsund fortel at dei som i går jobba i det leiinga kalla sone 2 i brannen hadde verneutstyr, men at dei fleste gjekk utan.
Symptom på at du har fått i deg for mykje røyk kan vera hovudpine, sår hals og kløe.
Ingen sløkking i natt
50 mann har drive ettersløkking torsdag. I natt blir det ingen sløkking.
- Men vi kjem til å ha postar ute og mannskap klar. Slangane ligg også ute. Ser alt bra ut samlar vi inn slangane i løpet av dagen i morgon, seier Gjøsund.
Rundt 150 mål gjekk med i brannen som starta onsdag i 13.30-tida.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.