Fossa gjennom overfylt kulvert
Gjentakande problem meldte seg igjen i dag.
Laurdag formiddag var kulverten under Byvegen, mellom Varåsen og Amfisenteret fylt med vatn.
Ahmed, som bur i Prestegardsskogen og ikkje sjølv har behov for å koma seg gjennom vatnet, sto og prøvde å pirka vekk lauv mens ungen søv i vogna.
– Eg prøver å hjelpa til, men dette var ikkje enkelt, seier Ahmed.
Teknisk vakt i Bjørnafjorden kommune har allereie fått nokre telefonar, og har sendt tipsar vidare til rett eining, Vegtrafikksentralen på telefon 175.
– Vi kjenner til det, og har varsla entreprenør, seier vakthavande.
I mellomtida bør bilistar ta omsyn til at ein del fotgjengarar vel å kryssa Byvegen, i staden for å gå under, mellom senteret og Varåsen.
Sjølv om både syklistar, ein rullestolbrukar og ei dame i joggesko spaserte gjennom det knappe ti centimeter djupe vatnet mens Midtsiden var på staden.
