Frå idyll til rottefest?
Pinse, sol og streik er kanskje ikkje ein god kombinasjon. Friluftsrådet fryktar at det skal bli liggande igjen boss rundt strendene etter helga.


Det er draumevêr, pinse og langhelg. Og streik.
Om streiken held fram resulterer den at restavfall ikkje blir henta frå tysdag av.
Les òg: Stopp i bossinnsamling
– Om konteinaren er full så ta med deg bosset! Det kjem truleg ingen og hentar det over pinsen, seier Åge Landro frå BOF.
Han fortel at friluftsrådet har gjort sitt beste med å førebu friluftsområda i bergensområdet på både storinnrykk og streik.
– Dei fleste konteinarane våre skal vera tømt, men dei blir fylt veldig fort når det er sånt vêr som dette, så derfor håper vi at publikum vil hjelpa oss med å halda strendene fine og frie for boss.
– Om det blir ståande posar igjen utanfor fulle konteinarar så går det kort tid før måsar og andre dyr byrjar å spreia dette utover.
– Når det er streik kan du sjølv tenka deg kor gale det kan bli.
• Er konteinaren full, ta med deg bosset heim
• Kjeldesorter mest mogleg
• Tips: Bruk primus i staden for grill!