Lokal | 15. mai 2014
Frå mørkt til lyst
17. mai: I tre år på rad har det vore opphaldsvêr i toget, men regn på Kyrkjeflaten. I år ser det ut til å bli motsett, følgt opp av ein strålande og varm søndag 18. mai!
Kjetil Vasby Bruarøytorsdag 15. mai 2014 12:46
Bildeserie:
1 av 2
Det er meldt regn natt til 17. mai og litt ut på morgonen.
Storm melder nedbør fram til klokka 7, Yr melder nedbør fram til klokka 6.
Så skal det letta og koma litt sol.
Det skal ikkje bli varmare enn 12 gradar, men det er berre meldt 3 m/s vindstyrke.
Om vêret blir som meldt så er det første gong sidan 2010 at du kan legga paraplyen igjen heime på 17. mai.
Sjå detaljert varsel på Storm vs Yr.
Vêret skal halda seg lettskya nokre dagar, og temperaturen skal auka.
Søndag er det venta nesten skyfri himmel og 20 gradar, måndag er det meldt 21 gradar og lettskya.