Framand båt gjekk ned

Litt før klokka 20 tysdag kveld rykte brannvesenet ut på melding om båt som var på veg til å gå ned i Skeisstøa.

– Vi hjelpte til med lensing av båten, fortel Os brannvesen, som har ansvar for å ta hand om akutt forureining i Os kommune.

Båteigar var ikkje på staden, og på båten var det ein lapp der grunneigar ber båteigar ta kontakt.

Båten skal ha lagt der i rundt ei veke, men utan å ha vore i dialog med den som eig kaien.

Årsaka til at den tok inn vatn er ikkje kjent.