Framleis utan vatn på Skeie

Søndag blei det oppdaga eit vassleidningsbrot på Skeisflaten.

– Rundt 100 kubikk (100.000 liter) med vatn rann ut, fortalde avdelingsleiar i teknisk eining i Bjørnafjorden kommune, Agnete Haugland i går kveld.

36 husstandar er ramma. Desse ligg frå avkøyrsle til Skeismyra (skulane) og nordvest mot Irgenskrysset og Hjorthaugen.

Bjørnafjorden kommune opplyste at Bergen Vann starta søk etter leidningsbrot først måndag morgon.

Måndag kveld er det manuell dirigering på første del av Skeisflaten, etter Irgenskrysset.

Entreprenørar og røyrleggarar er på staden.

Leidningsbrotet er lokalisert, og holet er pumpa tomt for vatn, men det ser ut til framleis å gå nokre timar før vatnet kan koplast til igjen.

Kommunen oppdaterer via sms til husstandane og på heimesidene.