Fredag ba lensmannen ungdom slutta å klatra på taket - same dag var dei på taket igjen

• Midtsiden har starta utsending av gratis nyheitsbrev på epost - meld deg på her

I periodar, år etter år, får politiet meldingar om ungar og ungdom som klatrar på taket på gymnastikksalen til Os barneskule.

– Dei kan skada seg sjølv og dei kan skada taket, sa lensmann Oddbjørn Dyrdal fredag.

Politiet hadde fått nye meldingar i førre veke, og lensmannen ba ungane slutta, så politiet kan bruka ressursane på andre ting enn å kommandera folk ned frå tak.

Same kveld var det fire ungdomar på taket igjen.

– Dette er ikkje greit. Eg vil sjå korleis vi betre kan forebygga dette, og samtidig undersøka med jurist kva sanksjonsmoglegheiter vi har, seier politioverbetjent Anne Lyssand.

– Det går an å forstå at ungar og ungdom liker å klatra, men dei kan finna seg eit tre, ikkje klatra på offentlege bygg.