Fredag blir verst

Vêrmeldinga er oppdatert med endå større nedbørsmengd fredag. Kva med tidevatnet?

Kjetil Vasby Bruarøyonsdag 18. nov. 2009 12:16

Måndag skreiv vi om årets mest intense lavtrykk på veg frå Island til Noreg og Vestlandet. Då meldte yr.no 22 mm nedbør torsdag, 34 mm fredag, 11 laurdag og 20 sundag.

No har meldingane endra seg.

Torsdag er det venta 55 mm, fredag heile 74 mm nedbør - 40 mm meir enn det som først var meldt!

For Os sentrum er det også spennande om det samstundes kjem høg flo. Blir ei stor elv supplert av høg vasstand kjem elva eit stykke inn i sentrum.

I dag var det meldt at vêrets verknad på flo sjø var 34 cm, slik at maks flo i 12-tida hamna på 194 cm. På bildet over ser vi at det framleis er nokre centimeter igjen før elva kjem over kanten, vanlegvis må det vera meldt flo på 210 cm eller meir for at det skal bli vått innover mot Buggegården og Posten.

Meldingane for tidevatnet framover viser at det ikkje er meldt meir 194 cm torsdag og 186 cm fredag, så nedbøren som kjem dei neste dagane må nok åleine få skulda for det som blir vått.