Fredrik skåra igjen

Onsdag kveld spelte serieleiar Os borte mot Varegg på 6. plass. Det blei ein kamp der Os sleit med å skåra.

– Varegg starta offensivt, men etter eit kvarter byrja vi å trilla ball og då la dei seg heilt bakpå, fortel Os-spelar Tore Valvik.

– Det er vanskeleg å koma til dei store sjansane når det ligg 11 motspelarar bak på banen, legg han til.

Varegg - Os 1-1 (0-0)
Målskårar, Os: Fredrik Heggland

Kloven redda straffe

Heimelaget skåra det første målet og fekk straffe kort tid etter. Ein straffe Valvik meiner var grunna filming.

Men Kloven redda og Os heldt håpet oppe om å ta full pott.

Stang ut

Fredrik Heggland (16) utlikna for Os på eit flott skot.

Fredrik, som skåra sitt første for A-laget mot Stavanger i slutten av april, har no skåra 3 mål på dei 5 siste kampane til Os.

– Varegg hadde to store sjansar til, der ballen såg ut til å vera over målstreken før den blei skoten ut.

– Den største sjansen vår, som det ikkje blei mål av, var på frispark av Erik (Kanestrøm). Frisparket blei nikka i tverrliggar, så i kryssen og ut igjen. seier Valvik.

Mister truleg topplasseringa

Det er framleis tett i toppen av tabellen i Os si avdeling. Os har 17 poeng, 4 lag har 15 poeng, 2 av dei har ikkje spelt 7. runde.

Om Sandnes Ulf 2 slår Åkra i kveld og Haugesund 2 slår jumbo-laget Skjold på fredag så går Os frå 1. til 3. plass med gårsdagens poengdeling.

Sjå tabell.

Neste kamp for Os går heime mot Haugesund 2 førstkomande tysdag (kl 19).