Frisk og open kunst

Bildeserie:

1 av 9

Det blei ei travel helg på Oseana med vel 1500 gjester innom huset i løpet av laurdagen aleine.

– Her var det full fart i helga med konfirmasjonar, polsk stand-up og ikkje minst to fantastiske utstillingsopningar, fortel Ole Tobias Lindeberg entusiastisk.

Opne sinn

Den største utstillinga «Åpne sinn» står dei 240 elevane frå Visuelle kunstfag i Bergen Kulturskule for. Dette er deira sommarutstilling, som dei i år har flytta ut frå Bergen og til Os.

– I tillegg til verka frå Bergen Kulturskule har elevar ved Os kulturskule hatt workshop i billedkunst og er med på utstillinga.

Totalt 21 elevar frå Os kulturskule har bidrag i utstillinga som har tatt over Griegsamlingen fram til 10. mai.

Frisk kunst

Oseana sitt prosjekt mot skulane «Friskunst» har mellomanna materialisert seg gjennom teikningar gjort av 4. klassingane på skulane i Os.

Elevane har vitja Griegsamlinga, kor dei har fått eit møte med bileta og kunstnarane og oppgåva med å teikna si tolkning av dei kjente kunstverka.

Resultata har resultert i ei spennande utstilling i gangen mellom Griegsamlingen og Vargasalen.