Full fart framover
Handballherrene til Os held full fart mot opprykk etter at dei flaug fra Stryn og vann med 19 mål.
Osherrene har eit snitt på 37,5 skåret mål per kamp så langt i sesongen etter at dei slo Stryn 40-21 laurdag ettermiddag.
Med sigerne tok herrene plass på toppen av tabellen likt på poeng med Kjøkkelvik, men med to kampar mindre spelt og ein imponerande målforskjell 150-92.
- I dag spelte vi ein kanonkamp, stråla ostrenar Leif Idar Røen etter kampen.
Fire mål på 20 min
Osherrane visste kva dei møtte då gjestane frå Sogn og korleis dei skulle ta dei.
- Planen var klar. Vi skulle vera tøffe i forsvar og gje juling.
Det klarte dei til fulle. I løpet av dei første 20 minutta skåra Stryn berre fire gonger. Ein liten konsentrasjonssvikt på slutten av omgangen gjorde at Stryn fekk henta seg litt inn og reduserte til 18-10 til pause.
Flygar og tempo
I pausen har tydelegvis Røen bedt Osspelarane halde fokus og ikkje sleppe seg nedpå, sjølv om sigeren såg sikra ut allereie halvvegs.
Osherrene heldt fram med eit kontant forsvar og kosta på seg både flygar og fikse kombinasjonar framover på banen foran vel 200 på tribunen.
- Det var utruleg kjekt med så mykje folk. Eg håpar vi klarte å underhalde såpass mykje at dei kjem tilbake, seier Røen.
Os - Stryn 40-21 (18-10)
Utv: Os 3 x 2 min, Stryn 4x2 min
Os sitt lag: Einar Godø, Espen Risti (6), Steinar Gaasdal, Joachim Nøkleby (2), Ove Lyssand (2), Joakim Blostrupmoen (6), Daniel Røen, Andreas Sennesvik, Trygve Lerch Dahl (1), Isak Røen (5), Kenneth Hausberg (1), Jørgen Wold (7), Øystein Skarding (2), Torbjørn Hjelle (8).