Full innsats under den avsluttande turneringa på Søre Neset (foto: Andris Hamre)

Full fart i femten år

Fotballskulene • I 20 år har Tine invitert til fotballskuler. I 15 av dei har Søre Neset IL vore arrangør.

image
image
image
image
image
image
image
image
image
image
image
image
image
Av: Andris Hamre

Tine Fotballskule er Noregs fotballforbund si offisielle fotballskule og har blitt ein eigen institusjon å rekna.

– I år er det vel femtande året vi arrangerer Tine Fotballskule om eg ikkje hugsar heilt feil. Frå dei får alle deltakarane sekk og drakt. I tillegg får vi som klubb ei rekkje Tine-produkter for å servera ungane. Det einaste vi må skaffa sjølv er instruktørane, dugnadsgjengen og ballane, fortel Bjarte Aarvik, styreleiar i Søre Neset idrettslag.

Plass til alle

I all hovudsak kjem dei 93 ungane frå Halhjem og Lunde barneskular.

– Det er vel berre eit par tre som ikkje er frå dei to skulane. Det syner berre at det er god plass til alle dei tre fotballskulene som har vore arrangert denne veka. I tillegg er det vel ein god del frå Søfteland som har reist til Kalandseid for å vera med på den skulen dei har. Det gror godt i fotballbygda Os.

3. mot 6. klasse

Medan dei to andre fotballskulane har halde på i tre dagar, har Søre Neset vald å ha sin over fire dagar. Men som på dei andre skulane blei den avslutta med fotballturneringa.

– Vi vann, og skal spele finale mot 6. klasse, strålar ein av 3. klassingane då Midtsiden er innom tordag førmiddag.

Som instruktørar og coachar er det noverande og tidlegare ungdomsspelarar på Søre Neset som er henta inn.

– Dei gjer ein strålande jobb med ungane.

Sjå også bildeserie frå fotballskulen på Kuventræ og Nore Neset 

Fleire saker