Full ungdom i Øyane
Politiet har i helga kjørt ein aggressiv mann i arresten, tatt ein annan mann for urinering i sentrum - og fått fleire meldingar om støy og full ungdom i Øyane.


Laurdag kveld og natt til søndag fekk politiet melding om støy frå minst to ulike festar i Øyane.
– Patruljen var ute i fleire omgangar. Det roa seg, men så tok festen seg opp igjen, fortel politioverbetjent Audun Hadler-Olsen.
Det skal ha vore samla mange ungdomar frå 16 år og opp, på privatfesten og ute i vegen. Fleire av dei var synleg påverka av alkohol.
– Festane skal i periodar ha vore ute av kontroll. Det var også ein del bilar der med folk som ikkje var invitert til festen. Dei blei vist vekk frå staden.
Urinering og overnatting i arresten
I 4-tida natt til søndag var politiet i prat med ein mann i 20-åra som var vanskeleg og aggressiv.
– Han blei kjørt til Bergen for overnatting i arresten.
Litt tidlegare på natta tok politiet ein litt yngre mann i 20-åra for urinering på offentleg stad.
Han kan venta seg ei sviande bot på minst 4000 kroner.