Funn av båt og måling av høg fart

Måndag klokka 20.20 stoppa politiet ein bilist på Hegglandsdalsvegen.

– Fart står ikkje notert, men vedkomande, ein mann i starten på 20-åra, fekk eit forelegg på 5.500 kroner etter snittmåling i ei 50-sone, fortel politioverbetjent Anne Lyssand.

5.500 kroner i forelegg betyr ein fart på mellom 16 og 20 km/t over fartsgrensa. Det betyr òg tre prikkar på førarkortet, med mindre bilfrørar har så ferskt førarkort at han er i prøvetid og får dobbelt opp, altså seks prikkar.

Fann gamal plastbåt utanfor Strøno

På dagtid måndag blei politiet oppringt av ein som hadde funne ein eldre plastbåt ved Naustholmen utanfor Strøno.

Båten er på rundt 16-17 fpt, og dei som saknar ein båt som liknar kan kontakta politiet.