Funn av tablettar førte til ransaking

Onsdag kveld kontrollerte politiet ein mann dei møtte i Os sentrum.

Vedkomande, ein mann i 30-åra, hadde nokre narkotiske tablettar på seg, noko som leia til ransaking av heimen hans.

– På adressa fann vi noko hasj. Mannen blei dimittert etter avhøyr og forholdet er meldt, opplyser politioverbetjent Rune Fimreite.

Uskadd etter utforkøyring

Klokka 23.10 onsdag kveld fekk politiet melding om utforkøyring på Lyseklostervegen i Åsen.

– Meldar sa det var veldig glatt på staden, og det merka vi sjølv då vi kom ut der. Det var ingen personskade, og det er ikkje oppretta sak.

Sesongens første snøfall kom natt til tysdag, og tysdag ettermiddag var det òg ein bil som hamna i grøfta i Åsen.

– Var forholda så dårlege av vegtrafikksentralen blei varsla?

– Nei. Det var vinterføre, men det blei ikkje vurdert som dårleg vedlikehald av vegen på staden.