Fyllekrasj i brua
Skal du ha bilen med deg heim frå festival bør du drikka alkoholfritt.


- I 2.30-tida natt til laurdag blei ein 36 år gamal mann tatt med for å ta blodprøve, mistenkt for promillekjøring, opplyser operasjonsleiar i Hordaland politidistrikt, Oddvar Nordstrand.
På veg heim frå rockefestival bestemte han seg for å kjøra bil. Kor langt han skulle veit vi ikkje, men turen enda allereie i brua like ved parkeringsplassen.
Laurdag formiddag, klokka 10.40, fekk politiet melding frå vaktleiar ved festivalen, grunna nokre vanskelege gjestar på campen. Fire personar blei vist vekk av festivalleiinga, så politiet trengte ikkje rykka ut.
Rundt midnatt natt til laurdag fekk politiet melding om ein vanskeleg person på Osøyro. Ein 24 år gamal mann oppførte seg trugande, så han blei tatt med til overnatting i arresten.
.