Næringsliv | 19. okt. 2017

Fylte Bakketeig-huset med gjestar

Arkitektane som i dag opna kontor i Os sentrum, gjekk dør til dør for å finna rett lokale.

Fylte Bakketeig-huset med gjestar
Joakim Kyrre Myklebust og Geir Granli ønskte velkomen. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøytorsdag 19. okt. 2017 12:52

Bildeserie:

_Eigarane f.v.: Granli, Egenæs, Aaserud og Myklebust. (Foto: KVB)
_Eigarane f.v.: Granli, Egenæs, Aaserud og Myklebust. (Foto: KVB)
Arkitektane fekk mange gjestar til det intime kontoret. (Foto: KVB)
Arkitektane fekk mange gjestar til det intime kontoret. (Foto: KVB)
1 av 2
_Eigarane f.v.: Granli, Egenæs, Aaserud og Myklebust. (Foto: KVB)
Arkitektane fekk mange gjestar til det intime kontoret. (Foto: KVB)

For ei veke sidan fortalde Bergen Arkitektkontor AS om etablering av avdeling i form av eige firma med kontor i Os.

I dag sto inviterte gjestar tett på opningsdagen til det nye arkitektkontoret.

– Vi har invitert både byggebransje, politikarar, eksisterande kundar og potensielt nye, seier Geir Granli.

Byggingeniør Granli er ein av sju tilsette ved kontoret i Bergen og blir dagleg leiar i det nyetablerte selskapet på Os.

Sendte «bakkestyrkane» til Os

Arkitektkontoret i Bergen er i ekspansjon, og gjekk ei tid med plan om å utvida i retning Os før dei fann lokale.

– Det var fleire ledige lokale, men vi brukte tid på å finna noko vi meinte passa oss. Vi var jo på jakt etter litt sjarm, og det fann vi jo til slutt, fortel Joakim Kyrre Myklebust.

Myklebust er arkitekt og dagleg leiar ved kontoret i Bergen.

– Til slutt var vi så leie av å leita etter annonser at vi tok på oss regnjakke og gjekk dør til dør. Bakketeig-huset skil seg jo ut som spesielt fint, så vi gjekk inn, starta dialogen, følgde opp og fekk til slutt ein avtale.

Fast bemanning

Bergen Arkitektkontor avd Os AS er eigd av Geir Granli, Joakim Kyrre Myklebust, Carl Thomas Egenæs frå arkitektkontoret i Bergen saman med eigedomsutviklar Pål Aaserud.

– Førebels har vi innreia med to arbeidsstasjonar og eit lite møterom, men det kan bli utvida, fortel Granli.

– Vi vil veksla litt på kven som sit på Os og ha bemanning fleire dagar i veka.


Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.