Gav hjelp til Os
Os inntar toppen av tabellen igjen om dei vinn dagens heimekamp. Anders Strønen sitt nye lag, Skjold, tok nemleg overraskande nok poeng frå serieleiar Sandnes Ulf.
Søndag (kl 19) speler Os heime mot Kopervik. Med siger går dei opp igjen på førsteplass, det har osing Anders Solberg Strønen sitt lag sørgja for då Skjold laurdag spelte 3-3 mot Sandnes Ulf 2.
Sandnes Ulf 2 leia serien framfor Os på 2. plass før 10. runde, men botnlaget Skjold sto i føringa mot Sandnes og tok sitt første poeng då kampen enda uavgjort.
Strønen spelte ikkje sjølv i denne kampen, ifølgje rapporten frå Skjold IL.
I tillegg tok Arna-Bjørnar med seg alle poenga heim frå Haugesund då dei vann 2-1 borte over Haugesund 2.
No ligg Arna Bjørnar på 1. plass og Sandnes Ulf 2 på 2. plass før Os har spelt 10. runde.
Med siger har Os 23 poeng og førsteplassen på tabellen, 1 poeng framfor Arna Bjørnar og Sandnes Ulf 2 og 5 poeng framfor Haugesund 2.
Men først må kampen vinnast.
PS! Alle dei andre kampane i 10. runde enda uavgjort;
Stavanger - Austevoll 3-3
Avaldsnes - Tertnes 4-4
Åkra - Bjarg 1-1