Gav kjeft, fekk bank

Kjetil Vasby Bruarøymandag 21. sep. 2009 07:52

Laurdag i 16-tida fekk ein bilist kjeft for å ha kjørt for fort. Det tålte han ikkje.

- Vi har fått melding om ein episode på Osøyro laurdag ettermiddag, der ein bilist som blei tilsnakka for å ha kjørt svært fort, blei sint og slo vedkomande som kjefta, seier politiførstebetjent Audun Hadler-Olsen til Midtsiden.no.

Fornærma var uroa for at ungar kunne bli påkjørt under grisekjøringa, men fekk seg sjølv ein smell.

- Han ville koma og melda dette hos oss i dag. Både fornærma og mistenkte er i 40-åra, opplyser politiet.