Sport | 13. apr. 2010

Generalprøve i kveld

Os møter Fyllingen i siste treningskamp før seriestart.

Generalprøve i kveld
Kjetil Vasby Bruarøy
Kjetil Vasby Bruarøytirsdag 13. apr. 2010 12:05

Førstkomande laurdag er det seriestart med heimekamp mot Kjelsås tysdag kveld spelar Os treningskamp mot Fyllingen på Kuventræ.

- I dag tar vi siste finpuss før sesongstart. Vi vil testa ut nokre spelarar på ulike plassar og ut frå det vi ser i kampen tar vi ut startellevaren til seriekampen laurdag, seier trenar Frank Hellevik.

Kampen startar klokka 19.00.

Her er troppen Os stiller med mot Fyllingen:
Halvard Enes, Anders S. Strønen, Baste Jonassen, Daniel Kalstad, Endre Brenne, Per Søgnen Merai, Remi Osebakken, Stian Lunde, Tom Skråmestø, Tore Valvik, Vegard Leikvoll Moberg, Frode Buvik, Erik Kanestrøm, Preben Borgen, Christian Almeland, Tim Henrik Sperrevik, Torkel Hjertnes og Christer Olsen.

Vil sjå speleglede
Etter mange år i 2. divisjon rykte Fyllingen i fjor ned, og spelar i år i avdeling med blant anna Os 2 og Brann 2.

- Er det viktig for psyken å vinna kampen i kveld?

- Eg ventar først og fremst å sjå spelarar som struttar av speleglede, og vi er klar for seriestart uansett. Men eit godt resultat er alltid kjekt. Kveldens kamp blir spelt som om den var ein seriekamp i 2. divisjon.

Os spelte også treningskamp mot Fyllingen i februar. Den gjekk på bortebane og enda med 1-0-siger til Os.

Resultat til no
Her er nokre av resultata i Os sine treningskampar denne vinteren:
11.2 Fyllingen - Os: 0-1 (0-0)
13.2 Nest-Sotra - Os: 1-2 (1-2)
21.2 Løv-Ham - Os: 1-1 (1-0)
28.2 Åsane - Os: 2-1 (0-1)
13.3 Os - Stord: 2-3 (1-3)
22.3 Os - Baune: 3-3 (1-2)

Les meir om sesongførebuingane på Midtsiden.no si samleside for Os sine herrelag

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.