Gjekk jamt

Sverre Lunde Pedersen vann sin første verdscupsiger då han vann 1500 meteren i Seoul fredag. Laurdag morgon (norsk tid) gjekk osingen 10 000 meter i Seoul.

10 000 meter er ikkje den distansen Lunde Pedersen går oftast, men igjen leverte ungguten eit kanonløp.

– Løpa i Seoul viser at det byrjer å lausne for Sverre Lunde Pedersen, sa NRK sin ekspertkommentator Even Wetten.

Jamne rundetider

Sverre, som gjekk inn til 4. plass bak ein suveren Bob de Jong frå Nederland (13.17.51), gjekk mila på 13.40.35.

I parløp med Jan Szymanski frå Polen gjekk Sverre som ei klokke med rundetider mellom 32,2 og 32.9 på 21 av dei 25 rundane.

Osingen hadde få problem med å slå parkameraten, som kom i mål vel 20 sekund bak.