God respons på eksklusiv kjendiskveld
Den norske interiør- og TV-profilen Halvor Bakke kjem til Rørleggeriet Os den siste onsdagen i september for å halda foredrag om badeinnredning og fortelja om sin nye møbelserie, «Epos».
– Vi hadde fullt hus på «damenes aften» for tre år sidan. No kan både mann og dame kome, og med populære Halvor Bakke på plakaten reknar vi med at vi treng ekstra god plass, seier Linn Solstad hos Rørleggeriet Os.
Baderomsleverandøren riggar seg til med telt på den store parkeringsplassen til Os Næringspark, og får plass til 150 gjestar når godt smittevern er tatt omsyn til.
Det er framleis ledige plassar, men fleire titals gjestar meldte seg på allereie første døgnet etter annonsering.
– Vi gler oss veldig! Halvor Bakke vil både halda foredrag, signera bøker og vera tilgjengeleg for uformell prat med gjestane etter foredraget.
Kjempegod mottaking
Møbelserien «Epos» blei lansert i vår.
Rørleggeriet Os monterte utstilling av nokre baderomsmiljø frå serien i sommar.
Halvor Bakke har designa møblar før. No ser det ut som om han har treft blink også på badet.
– Vi har allereie fleire sal på denne serien, og den får stadig positive kommentarar, seier Solstad.
Som eit spa
Halvor Bakke-serien er eit resultat av eit samarbeid med den kjente møbeldesigner- og produsenten Svedbergs, som var i Rørleggeriet sitt utval frå før.
Svedbergs kontakta Bakke, som saman med Svedbergs sitt designteam har han skapt noko heilt nytt innan farge, form og funksjon.
– Det er ein lun og behageleg møbelserie som skal vera med på å skapa ei kjensle av å vera på spa når du er heime på eige bad.
Stor pågang
Det blei opna for påmelding tysdag, og teltet ser allereie ut til å bli fylt opp.
– Sjølv om det ligg ute som Facebook-arrangement, ønskjer vi epost for å registrera alle.
– Vi håper at det ikkje kjem endringar i smittevernreglane, at vi kan ta imot 150 gjestar som planlagt.
I tillegg blir det ei eiga møbelutstilling utover dei vi frå før har i butikken, for å visa endå fleire av møblane i den nye serien.