God start på romjula
Sjølv om ein kan bli blaut nok ute foretrekk nok dei fleste litt varmare omgjevnader i Osbadet. – Det var kø då vi opna 2. juledag, fortel Trond Erik Nilsen

Massevis av ungar og foreldre fyller Osbadet i romjula.
– I går, 2. dag var første dagen vi hadde ope etter å hatt stengd julaften og 1. dag.
– Det blei godt med folk, faktisk sto folk klare då vi opna dørene klokka 12, fortel driftssjef Trond Erik Nilsen.
Reknar med mykje besøk
Med ope for 10 til 18 alle dagar i romjula ventar badeverten mange besøkande.
– Det blir nok ei god romjul for oss.
– Vêret ute innbyr ikkje til så mykje uteaktivitet, så då foretrekk nok folk å komma til oss for å bada og symja i staden.
– Nyttårsaften og 1. nyttårsdag har vi stengd att, men så er vi i gang med ordinære opningstidar igjen.
Roleg førjul
Desember er tradisjonelt ein roleg månad i badet.
– Slik var det denne desember også.
– Folk er nok meir oppteken av å handel julegåver enn å bada, avslutter Nilsen med eit smil.