Gratis rocke-utflukt?
Konkurranse: – Folk synes det er sprøtt at dei kan få oppleva Blood Command i Os for ein 50-lapp, seier Grønvigh. Og så deler han ut gratisbillettar, plate, t-skjorter og cd.
Eit samarbeid mellom BRAK, artistmanagementet MADE og lokale kulturkontor i Hordaland har skapt UTFLUKT, 10 etablerte band og artistar, på 10 turnear med til saman 100 konsertar med fri aldersgrense (alkoholfrie konsertar).
Os er blant stoppestadane og førstkomande laurdag speler hardcorebandet Blood Command i Os Rockeklubb sitt lokale i kjellaren på Oshallen. Ungdomsbanda Second Circuit (Samnanger) og Pink Disease (Os) står for oppvarminga.
– Sjølv om arrangementet er rusfritt kan det bli ein fin blanding av folk på denne konserten. Det er fleire rockeinteresserte i vaksen alder som har kome til meg og sagt at dei synes det er sprøtt at dei kan få oppleva eit band som Blood Command for ein 50-lapp, seier Kjetil Osablod Grønvigh.
– Og det er greit, vaksne er også velkomne, legg han til.
Sjølv om billettprisen er sponsa vil Grønvigh dela ut to gratisbillettar i ein konkurranse der du også kan vinna ein spennande rockepakke:
Premiar:
• Gratis inngangsbillett
• Bone Shakers-plate (vinyl) og Bone Shakers t-skjorte og klistremerke
• Os Rockeklubb t-skjorte
• Blood Command cd og merch.
Midtsiden deler ut rockepakke til to som svarer rett på desse to spørsmåla:
1. Kva heiter albumet Blood Command kom ut med i haust?
A: Funeral Beach
B: Old Funeral
C: Pet Sematary
2. Kva band frå Os var live-band for Blood Command dei første åra?
A: ORBO & The Longshots
B: Red Hot Cherrypoppers
C: Manheads
Send svara dine til kjetil@midtsiden.no før klokka 23.00 torsdag 6. desember. Vinnarane blir annonsert i oppdatert versjon av denne artikkelen innan klokka 15.00 fredag 7. desember.
Lykke til!