Sport | 23. jan. 2016

To gull på to forsøk

Oppdatert: Før jul vann han NM allround for første gong, i dag tok Sverre Lunde Pedersen gull på både 1500 og 5000 meter i NM enkeltdistansar.

To gull på to forsøk
Sverre Lunde Pedersen, her då han tok gull i NM Allround før jul. (Foto: Reidar Langkjær)
Kjetil Vasby Bruarøy
Kjetil Vasby Bruarøylørdag 23. jan. 2016 12:32

Sverre, som måtte stå over EM andre helga i januar grunna sjukdom, ser ut til å vera pigg og lett igjen.

I helga går NM enkeltdistansar i Vikingskipet og Lunde Pedersen, som vann 3 av 4 distansar og stakk av med sitt første NM-gull i allround, var suveren på 1500 meter.

Sverre gjekk i niande og siste par mot Håvard Bøkko.

Bøkko klarte å slå Sindre Henriksen, som med 1.49,58 hadde beste tid før siste par.

Mens Bøkko gjekk på 1.49,31 suste Sverre i mål på 1.47,84.

Dermed fekk Fana 2 av dei 3 på pallen, ein og ein halv osing i toppen.

Håvard Holmefjord Lorentzen er tilbake frå den stygge kuttskaden og gjekk i mål på 5. beste tid, 1.50,67 (Simen Spieler Nilsen på 4. plass med 1.49,99)

Suveren også på 5000 meter

I ettermiddag gjekk 5000-meteren.

Lunde Pedersen gjekk mot Bøkko i nest siste par. Simen Spieler Nilsen (6.45,72) og Sindre Henriksen (6.47,36) hadde dei beste tidene før Sverre og Håvard hadde gått.

Bøkko gjekk i mål på 6.36,24, Lunde Pedersen på 6.25,66.

Thomas H. Søfteland og Ole B. Næss i siste par gjekk inn på 3. og 4. plass med 6.37,23 og 6.42,10.

Sverre skal ikkje gå 10.000, men 1000 meter søndag.

Neste helg er det verdscup i Stavanger. Midtsiden arrangerer, saman med Travelnet Os Reisebyrå, tur til Stavanger og reiser i selskap med over 20 osingar. Har du overnattingsplass så har vi plass i bussen og nokre inngangsbillettar til overs.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.