Gullhelg for roklubben

Bildeserie:

1 av 4

I helga arrangerte Os Roklubb ungdomsmeisterskap og noregscup på Ulvenvatnet. Med 350 lag i sving blei det mykje å ta seg av for klubben og og engasjerte foreldre på dugnad.

- Merking av bane og ordning av overnatting, vi hadde tett program både før, etter og under arrangementet, men det gjekk heldigvis bra. Rundt 25 på dugnad hjelper på, seier Bård Alfred Monsen.

I tillegg til konkurransane var det dåp av den nye åttaren til klubben. Gåvegjevar Trond Mohn var på plass, det same var gudmor Hedevig Holst, som får båten oppkalla etter seg. Namnet blei nemleg "Hedevig".

Arrangørklubben stakk av med over 15 gull og fleire sølv- og bronsemedaljar. Dei vann blant anna med den nye åttaren, takka vera knallgod innsats av cox Erling Øyasæter, Fridtjof Øyasæter, Oddbjørn Gjerde, Torbjørn L. Mehammer, Sissel Lothe, Camilla L. Mehammer, Julie Hauge, Rune Skåtøy, Lasse Hægland.

Resultatlista blir lagt ut på roing.no, truleg i løpet av dagen i dag.

SJÅ FLEIRE BILDE UNDER. (Alle foto: Bjørn Hægland)