Lokal | 09. nov. 2011

Gut fann pose med pulver

53 gram med amfetamin gøymt i ein mur: Mann i nabolaget dømt for kjøp og oppbevaring.

Gut fann pose med pulver
Kjetil Vasby Bruarøy
Kjetil Vasby Bruarøyonsdag 09. nov. 2011 13:56

I februar 2009 fann ein ung gut ein pose med kvitt pulver. Posen var gøymt i ein mur i eit bustadfelt nær Os sentrum.

Innhaldet, som besto av over 53 gram pulver fordelt i fleire lynlåsposar. Pulveret viste seg å vera ei amfetaminblanding med rundt 25 prosent amfetamin.

Avslørt av DNA

Først dagen etterpå kom politiet til staden. Dei undersøkte då posen for fingeravtrykk og DNA, og fann DNA frå minst to personar, men berre DNA frå éin person var i store nok mengder til identifisering.

I april året etter fekk Kripos melding frå Rettsmedisinsk instututt om at det no var DNA-treff på tiltalte.

Budde i nærleiken

Tiltalte, ein mann i 20-åra frå Bergen, budde då drygt 100 meter frå muren der stoffet blei funne.

Han møtte i retten og erkjænte seg ikkje skuldig.

Blei ikkje trudd

Tiltalte forklarte at han av og til kjøpte, brukte og selte noko amfetamin, men sa at posen i muren ikkje var hans.

Årsaka til at hans DNA var på nokre av posane visste han ikkje, men han sa at han av og til kjøpte lynlåsposar, og kan ha gjeve desse til andre.

Mannen er tidlegare dømt for kjøp av amfetamin. I 2010 blei han dømt for kjøp som skjedde i 2008. Då han i tillegg budde i nærleiken, tidlegare har gøymt amfetamin utandørs, og gav ulik forklaring til politiet som i retten, blei han ikkje trudd.

Fekk samfunsstraff

Tiltalte blei funnen skuldig og dømt. Sidan han ikkje har vore borti liknande tilfelle på snart 3 år, og sidan han han slit med fleire problem, blei han dømt til samfunnstraff.

Mannen blei dømt til 120 timar samfunsstraff med ei gjennomføringstid på 120 dagar.

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.