Hamna opp-ned i ein bekk
Naboane høyrde eit brak, og tok seg til staden for å hjelpa.
Klokka 01.06 natt til måndag fekk politiet melding om ei utforkøyring på Gåssandvegen.
Politi og ambulanse rykte ut og fann ein bil i ein bekk. Bilførar var åleine og berre lettare skadd.
– Ein nabo ringte meg og sa han høyrde ein aksellerasjon og eit voldsomt brak. Vi frykta at nokon var alvorleg skadd, fortel ein av grunneigarane i området til Midtsiden.
Ein liten varebil frå eit større bodfirma låg opp-ned i bekken, 90 gradar på vegen, med fronten mot asfalten.
Har oppretta sak
– Han forklarte at han hadde svingt unna ein kalv som låg i vegen. Vi sjekka kalven i natt, og vil undersøka den nærmare i dag, så vi forsikrar oss at den ikkje er skadd. Vi vil òg rydda litt på staden.
Frontruta til bilen ligg igjen i bekken.
Nær bekken er eit skur som kyrne i området kan søka ly.
– Bilførar, ein mann i 20-åra, var edru, men det er oppretta sak, seier politioverbetjent Atle Birkeland.
