Hamna på jordet
Ingen blei skadd, men søndagen gjekk med til redningsforsøk med traktor.
Ein bil hamna utfor vegen og i skråninga ned mot eit jorde på Søre Neset i helga.
– Bilen kjørte utfor søndag kveld. I dag er det gjort fleire forsøk på å slepa den opp igjen med traktor, fortel ein Midtsiden-lesar.
Politiet kjenner ikkje til utforkjøringa, som truleg var utan personskade.
– Roleg helg
Fredag og natt til laurdag fekk politiet melding om festbråk og fann sovande mann i sentrum og stoppa ei kvinne mistenkt for promillekjøring.
– Laurdag og natt til søndag var roleg. Vi fekk nokre meldingar om støy frå fest, men festane var over då vi kom fram, opplyser politioverbetjent Audun Hadler-Olsen.
Store delar av søndagen gjekk med til ein leiteaksjon.
Søndag kveld i 23-tida fekk politiet melding om opne flammar frå ei tønne bak ein garasje nær Os sentrum. Brannvesenet blei varsla.