Lokal | 19. juli 2009

Hamna under bubil

Ein 19 år gamal mc-førar er frakta til sjukehus med ambulanse etter å ha blitt overkjørt av ein bubil mellom Os og Søfteland sundag kveld.

Hamna under bubil
Kjetil Vasby Bruarøy
Kjetil Vasby Bruarøysundag 19. juli 2009 20:38

Bildeserie:

1 av 5

Ein motorsyklist på veg til Os mista kontrollen i ein høgresving, kom over i feilt kjørefelt og blei overkjørt av ein bubil som kom i motsett retning. Mannen, som er 19 år, blei sitjande fast under bubilen.

Det er uvisst om motorsykkelen velta før den kolliderte eller velta.

- Eg var borte og snakka med han. "Få vekk bilen" sa han. Det fortel ein av dei første som kom til ulykkesstaden til midtsiden.no.

- Han hadde hamna i feilt kjørefelt og blei overkjørt av bubilen med det eine hjulet.

Føraren av bubilen og fleire andre kom til for å hjelpa, og bubilen blei jekka opp for å letta trykket. MC-føraren blei liggande under bilen til redningsmannskap dukka opp.

Ulykka skjedde i 20-tida sundag kveld. Ambulanse, legevakt, brannvesen, politi og luftambulanse rykte ut. Helikopteret droppa av ein mann.

19-åringen blei sendt til sjukehus i ambulanse, som ba om full traumeberedsskap på Haukeland.

Vegen var stengt i begge retningar under redningsarbeidet, og blei opna igjen litt over klokka 21.



Spennande? Vil du ha ukas høgdepunkt i innboksen?

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.