– Han forsto sjølv at det såg dumt ut

Politiet fortel om ein roleg fredag og natt til laurdag i Os.

Men i løpet av natta hadde dei ei avskilting av litt spesiell karakter.

– Patruljen oppdaga at nokre ungdomar sto og hoppa på eit bilpanser, fortel Tatjana Knappen, operasjonsleiar i Vest politidistrikt.

Dette skjedde på ein av parkeringsplassane ved Esso.

Det viste seg at bileigar var med på å gjera hærverk på eigen bil.

– Han hadde fått muntleg køyreforbod tidlegare på kvelden. Kvifor dei bestemte seg for å øydelegga bilen, veit vi ikkje, men dei forsto at det kunne sjå dumt ut for forbipasserande.

Bilen blei avskilta.