Lokal | 15. jan. 2021

– Håper fortau og busstopp snart blir prioritert

Mor med barnevogn fortel om farlege og vanskelege forhold for gåande.

– Håper fortau og busstopp snart blir prioritert
Brøytekanten på busstoppet i Industrivegen i dag. Den har sige noko ned sidan måndag, men er framleis vanskeleg for dei med barnevogn. (Foto: KVB)
Kjetil Vasby Bruarøy
Kjetil Vasby Bruarøyfredag 15. jan. 2021 08:50

Onsdag svara kommunen og entreprenør på kritikk til brøytinga etter tre dagar med snøfall.

I går blei vi kontakta av ei mor som har opplevd fleire dagar med vanskelege forhold for gåande.

– Det er høge brøytekantar overalt. Eg er no på veg med barnevogn frå Espira Ulvenvatnet til Os sentrum, og har brukt ein halvtime frå barnehagen til Osbadet. Herfrå og langs Idrettsvegen ned til Kiwi må eg fleire stadar gå i vegbanen.

To gongar i løpet av denne halvtimen har barnevogna velta.

– Bilane køyrer like fort som før, og enkelte bilførarar blinkar og tutar på meg, som om eg var ein idiot som går ute i vegen med barnevogn. Men eg har ikkje noko anna val, fortviler ho.

Møtt av høg brøytekant på busstopp

Like gale var det då ho skulle levera i barnehagen på morgonen, og gjekk avbussen på busstoppet ved Bygger'n i Industrivegen.

– Der var brøytekanten så høg at eg måtte kasta sonen min over kanten og legga saman vogna for å bera den over. Sonen min er to år, så det går fint, men eg har ikkje nokon garanti for at han ikkje spring av garde mens eg rotar med vogna.

– Nokre eldre ungar syntest brøytekanten var morosam, og leika på den, men den eine glei ut igjen i vegbanen, og hadde hamna under bussen, om den framleis sto der.

Sånn såg brøytekanten ut på busstoppet i Industrivegen måndag. No har den sige noko ned. (Lesarbilde)
Sånn såg brøytekanten ut på busstoppet i Industrivegen måndag. No har den sige noko ned. (Lesarbilde)

Ho har ikkje førarkort, og har derfor tatt taxi til og frå barnehagen fleire gongar denne veka.

Kvinna synest bilvegane no ser fine ut, og håper fortau, gangfelt og busstopp kan bli prioritert av brøytemannskapen dei neste dagane.

– I mellomtida håper eg bilistar tar meir omsyn til gåande, for vi har ikkje enkle forhold alle stadar.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.