Håper på ei triveleg helg
Politiet førebur seg til Osfest. – Berre folk har normalt god oppførsel så skal vi saman få dette til å bli ei fin helg, seier Audun Hadler-Olsen.
Det er venta minst eit par tusen til Os sentrum fredag og lørdag ettermiddag og kveld. Også politiet kjem til å vera godt synlege på og rundt festivalen.
– Vi har satt på ekstra mannskap som vil vera tilstades på festivalområdet. I tillegg kjem den ordinære patrulja, politibåten og UP med fleire patruljer, fortel konstituert lensmann Audun Hadler-Olsen.
Normalt god oppførsel
Hadler-Olsen har inntrykk av at arrangørane har gjort ein god jobb og tenkt gjennom det meste i førebuingane til festivalen.
– VI skal vera med å gjera vårt til at dette blir eit fint arrangement, men då er vi òg avhengige av publikum.
– Om dei har ein normalt fin oppførsel, så skal nok det gå bra. Vi kjem til å reagera på dei same tinga som vi gjer ellers.
– Eg vil be publikum rette seg etter dei pålegga som blir gitt av våre mannskaper. Vi har ikkje tid til å så å diskutera med fulle menneskjer, påpeiker lensmannen, som òg oppmodar publikum om å la bilen stå heime om mogleg.
– Det kan bli ei utfordring i høve til parkering i sentrum, så har ein moglegheit så ber vi folk la bilen stå heime, avsluttar Hadler-Olsen.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.