Håper på ny blåskjellrekord

Meteorologane lover finvêr til helga. Det gjer at restaurantane riggar seg til sesongopning av sommarsesongen.

- Vi flørtar med sommaren frå fredag når vi opnar uteserveringa med blåskjel og rekesmørbrød på menyen.

- No håper vi berre meteorologane får rett slik at gjestane kan nyta eit godt glas i sola ved Bjørnefjorden, stråler Morten Berg, F&B Manager ved restauranten.

Yr.no melder lettskya fredag, strålande sol laurdag og lettskya att på sundag.

Like stor som Sjømatkirken

Sjølv om det blei ein hektisk start og sommar for Færingen då dei opna på Oseana for snart eit år sidan blei omsetjinga god.

- Det var litt artig å få salsstatistikk på blåskjell i Bergen og Omegn.

- Der låg vi på topp saman med Sjømatkirken på Zachariasbryggen. At vi som ein relativt liten restaurant sel like mykje blåskjell som ein så stor restaurant som dei er utruleg gøy, seier kjøkkensjef Angus Hugøy.

Eigen utemeny

Gjennom det første driftsåret har dei to restaurantørane gjort seg mange erfaringar. Blåskjell og kval har blitt slagarar. Hummersuppe blei det ikkje.

- Vi skreiv kontrakt med Oseana berre seks veker før opning så det blei hektisk med å laga menyar og å skaffa naudsynt utstyr og personale.

- Den første sommaren blei nok litt prega av at ikkje alt var på plass, men no har vi fått ein roleg vinter på å legga planar og få ting skikkeleg på plass.

- Ein av nyvinningane er at vi lagar ein eigen meny for uteserveringa som er litt lettare enn den vi har inne. På den blir det blåskjell, reker og supper for å nemna noko, seier Hugøy.

- Du må ikkje gløyma at vi har laga eit eige vinkart som passar til å sitja ute og nyta Bjørnefjorden, anten åleine eller saman med dei nye rettane, skyt Berg inn.

Tar seg opp

Som for resten av restaurantbransjen har dei to første månadene i året vore roleg. Arrangement og middagar i samband med framsyningar i Oseana har likevel gjort at dei har klart å halda budsjetta.

- No byrjar det å ta av. I går hadde eg den første bordbestillinga klokka 7 om morgonen og den siste klokka 22 om kvelden.

- Når vi bikkar påske reknar eg med at det kjem til å ta seg enno meir opp. Noko som er ganske unikt er at vi òg får bestillingar på 2-mannsbord. Det trur eg ikkje eg har opplevd tidlegare i særleg grad, seier kjøkensjefen.

Russisk aften

Allereie laurdag har dei nesten full resturant i samband med at Riksteateret kjem med framsyninga Anna Karenina.

- Det er framleis nokre bord ledig, men det byrjar å bli rimeleg fullt.

- Laurdagen blir litt spesiell for då serverar vi ein russisk inspirert meny basert på norske råvarar og med vår eigen tvist, forklarer Hugøy.

På menyen står Bjosjt med mellomanna kongekrabbe, Svin i forskjellege variantar med Pelmeni som garnityr og Eplekake Karlotka med blant anna eplesorbet frå Splidegarden.

- Det var ei utfordring å setja saman ein russisk meny som ikkje skulle bli for spesiell, ler kjøkensjefen, som lover nokre overraskingar i tillegg.

Bryt eigne prinsipp

Når filmfestivalen 60 gradar Nord inntar huset 21. april tilpassar restauranten seg og byr på menyar inspirert av forskjellige filmar.

- Det er ei veke eg gler meg stort til. Det skal bli skikkeleg gøy, seier Hugøy som innrømmar at dei blir nødt til å bryte nokre prinsipp når spaghettifilmar og Lady & Landstyrkerne er inspirasjonen.

- Vi har jo sagt at pasta får du ikkje hos oss, men den veka kjem vi nok til å servera det òg, avsluttar kjøkkensjef Angus Hugøy med eit smil.