Håper ruteknusar melder seg

Bildeserie:

1 av 3

I ei oppsummering av pinsen fortalte politiet i dag om ruteknusing i ein butikk på Søfteland.

Den knuste ruta er hos Vestlandske Heiltrømøblar. Ingen har vore inne i butikken, og det er berre eine laget i ruta som er knust.

– Heldivis. Men ruta må skiftast, og det ender nok med at eg tar jobben sjølv, seier innehavar Jarl Haug.

Han trur han veit kva som har skjedd, og ber ruteknusar melda seg.

– Viss vedkomande kjem og gjer opp for seg så trekk eg anmeldelsen til politiet.

– Reknar med det var eit uhell

Møbelsnekkaren seier butikken aldri har vore utsett for verken innbrot, tjuveri eller hærverk.

Han trur han veit kva som har skjedd.

– Det låg ei halvfull 1,5-litersflaske med cola mellom glasskora. Eg trur nokon har slengt den frå seg, og at det er eit uhell at ruta knuste.

– Anten der ein vaksen eller nokre ungdomar så håper eg dei kjem og melder seg.

Haug vil ikkje seia noko om kor gode bilde han har frå dei to overvakingskamera, eller om det er tatt fingeravtrykk av colaflaska.

– Så lenge dei melder seg til meg så blir det ikkje noko politisak av dette.