Har blitt ein samlingsplass for ungdom

Måndag klokka 23.46 fekk politiet melding om støy frå parkeringskjellaren i Os Idrettspark.

– Innringar fortel om samling av ungdom og køyring med moped i garasjen, fortel politioverbetjent Anne Lyssand.

Dette skal vera eit gjentakande problem. Politiet forstår at ungdomen er rastlaus når skular, fellestrening og treningssenter er stengte, men ber dei ta omsyn.

– Akustikken i eit tomt parkeringshus forsterkar støyen, og det nærma seg midnatt då vedkomande ringte.

– Eg håper vi slepp å fysisk stenga, eller at kommunen må laga ei ordning for registrert innkøyring, for at naboane skal få fred frå unødig støy.