– Har eit spennande handledd
Nora Johnsen frå Nore Neset speler i helga Bylagsturneringa i Stavanger.
I helga blir bylagsturneringa arrangert i Stavanger. På laget til Region Vest er Nora Johnsen frå Nore Neset teke ut som høgre kantspelar.
– Nora er først og fremst teke med fordi ho har eit spennande handledd og ein spennande skotarm, fortel trenar Andreas Berntsen i Noregs Handballforbund Region Vest.
Trenaren meiner det skal bli spennande å sjå ho bruke denne i møte med dei andre beste 15 åringane i landet.
– Nora har ein spissferdigheit med den armen. Ho har framleis eit utviklingspotensiale, men det skal bli spennande å følgje ho og sjå kor bra den kan bli. Det blir òg spennande å sjå den når ho no møter dei beste frå dei andre regionane.
Sikter mot semifinale
Bylagsturneringa er Noregs håndballforbund si turnering for regionslaga i 15-årsklassa, kor kvar region tek med seg sine beste spelarar.
– Målet i år, er som tidlegare år, å ta seg til semifinalen. Eg har ikkje så god oversikt over korleis 02-årgangen ser ut i dei andre regionane, men eg rekner med at det blir ei ganske jamn turnering, kor det nok vil handle om at einskilde spelarar står fram på dei ulike laga, vårt inkludert, seier Berntsen.
Region Vest speler sin første kamp fredag kveld mot Drammen frå region sør.
To dommarar frå Os
Bylagsturneringa blir også nytta som ein utviklingsarena for yngre dommertalent. Dommarparet Fredrik Andresen og Jørgen Wold frå Os er teke ut som eitt av fire regionale dommerpar i turneringa. Saman med NHF-dommarane Veronica Essajee og Camilla Lervik Olsen representerer dei Region Vest i turneringa.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.