Har fleire spor etter utforkøyringa i Langedalen

Bildeserie:

1 av 1

Onsdag 3. juli køyrde ein bil utfor den kommunale vegen over Langedalen.

Ingen var på staden då politiet kom fram, og bilen er utan skilt. Politiet har tatt beslag i bilen.

– Det er ingen som har meldt seg for å få bilen tilbake, fortel politiførstebetjent Thomas Juulseth.

– Bilen har i utgangspunktet vore registrert utanlandsk. Vi har vore i kontakt med politiet i fleire land, førebels utan resultat.

Politiet har vore i dialog med vitne, som fortel om to menn som har gått frå bilen.

– Vi har fleire spor i saka og jobbar vidare med etterforskinga. Vi har blant anna nokre namn som skal sjekkast ut. Dei kan ha kjennskap til kven som henta dei to personane som var i bilen.