Har oppretta sak etter mistanke om sladding

Torsdag litt før klokka 22 fekk politiet melding om ein bil som leika seg på glatten ved NHP-bygget «Lidlbygget» i Ådnadalen.

Patruljen møtte mistenkte då dei kom til staden.

– Bilførar, ein gut i tenåra, er meldt og vi har oppretta sak, fortel politioverbetjent Christine Grindstein.

Den store parkeringsplassen er med ujamne mellomrom samlingsplass for ungdom i bil, og politiet har fleire gongar vore ute og delt ut åtvaring etter melding om sladding og børning.

Denne gong blir det oppretta sak.

– Observerte patruljen sladdinga sjølv, då dei kom til staden?

– Det står ikkje notert her kva bevis dei har. Det kan vera video, men det er òg mogleg at dei observerte noko sjølv. Men dei skal uansett ha noko, sidan det er oppretta sak.