Kultur | 16. jan. 2013

Har stor tru på Eirik

– Han er utruleg musikalsk, seier "manager" Olav Skorpen før kveldens Idol-sending. Her kan du sjå video frå ein vanleg musikalsk biltur med dei to kameratane.

Har stor tru på Eirik
Eirik Søfteland (t.v.) saman med kamerat Olav Skorpen då dei to markerte datoen 11.11.11. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøyonsdag 16. jan. 2013 12:59

I kveld er første sending frå audition til Idol 2013 og TV2 viser onsdag frå opptaka i Bergen.

Minst tre osingar var påmeldt og ein av dei vi får sjå i kveld er Eirik Søfteland (24).

– Eirik er eit unikt talent innan både song og musikk, seier kamerat Olav Skorpen.

Dei to har spelt i fleire band saman. I 2011 gjorde dei eit stunt på Midtsiden der dei markerte den morosame datoen 11.11.11 med song i Elvebakken.

Les saka og sjå video: – Please call 111

Skorpen er sjølv frå ein familie med fire brødre som alle speler fleire instrument. Han la fort merke til at unge Søfteland har ein spesiell måte å oppfatta musikk på.

– Han er god på å lytta, hugsa og øva og han lærer seg nye instrument utruleg fort.

– I tillegg har han ei spesielt god stemme, med fin klang og stort spekter, og ein utruleg porsjon energi og positivitet.

Far til Eirik, Tord, er ein erfaren musikar. Eirik er dessutan tremenning til jazzfenomenet Marius Neset og dei musikalske søstrene Ingrid og Anna.

– Eg trur Eirik kan nå langt i Idol. Han er musikalsk heile dagen, ikkje minst når han kjører bil, seier Olav, og tipser oss om ein video frå ein "spontan-jam" i bilen på tur mellom Bergen og Os:

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.