Harry Tesla og heimelaga skilt

Statens vegvesen har hatt trafikkontroll på E39 Byvegen i Hjellemarka i dag.

Frå klokka 08.15 til 14.00 var det 1.095 bilar gjennom kontrollen, 31 av dei blei vinka til sida.

Fire tilfelle av ulovleg mobilbruk

Det blei skrive ut 6 gebyr, 2 av dei for manglande bilbeltebruk.

4 andre får gebyr frå politiet, då dei blei rapportert for bruk av handhalde mobil.

Lagde skiltet sitt sjølv

Ein av dei som blei stoppa blir meldt for bruk av falsk skilt. Registreringsnummeret var rett i forhold til bilen, men bileigar hadde ikkje fått skiltet til å passa, så han hadde laga eit nytt sjølv.

– Dette er sjølvsagt ikkje lov, skriv Thor Jelen frå Statens vegvesen i dagens fangstrapport.

I tillegg blei éin bil avskilta, ein annan fekk skriftleg pålegg.

Det blei stoppa ein Tesla med ulovleg solfilm på ruta. Bilførar blei bedd om å fjerna denne.

Ein førar av ein stor varebil blei ilagt bruksforbod.

– Han brydde seg dessverre lite om lastsikting, han meinte pallene han køyrde med sto stødig nok av seg sjølv.